Ardem Patapoutian dhe David Julius(VCG)
Dy shkencëtarë kanë ndarë Çmimin Nobel 2021 në Fiziologji ose Mjekësi, njoftoi komiteti Nobel të hënën, bën të ditur “Xinhua”.
Asambleja Nobel në “Karolinska Institutet” ka vendosur që t'i japë Çmimin Nobel në Fiziologji ose Mjekësi 2021 së bashku David Julius dhe Ardem Patapoutian, për zbulimet e tyre të receptorëve për temperaturën dhe prekjen".
"David Julius përdori kapsaicin, një përbërës i athët nga specat djegës që shkakton një ndjesi djegieje, për të identifikuar një sensor në mbaresat nervore të lëkurës që i përgjigjet nxehtësisë. Ardem Patapoutian përdori qelizat e ndjeshme ndaj presionit për të zbuluar një klasë të re të sensorëve që përgjigjen ndaj stimujve mekanikë në lëkurë dhe organet e brendshme.
"Këto zbulime të përparuara filluan aktivitete kërkimore intensive që çuan në një rritje të shpejtë të të kuptuarit tonë se si sistemi ynë nervor ndjen nxehtësinë, të ftohtin dhe stimujt mekanikë. Laureatët identifikuan lidhjet kritike që mungojnë në të kuptuarit tonë të ndërveprimit kompleks midis shqisave tona dhe mjedisit", -thuhet në deklaratën e publikuar. (Fatosi)
