Çmimet botërore të ushqimit u rritën për muajin e 10-të radhazi në mars, duke arritur nivelin e tyre më të lartë që nga qershori 2014, të udhëhequr nga kërcimet në çmime të vajrave bimore, mishit dhe qumështit, sipas të dhënave të agjencisë së ushqimit e Kombeve të Bashkuara.
Indeksi i çmimit të ushqimit i Organizatës së Ushqimit dhe Bujqësisë, i cili mat ndryshimet mujore për një shportë me drithëra, vaj, produkte qumështi, mish dhe sheqer, arriti 118.5 pikë muajin e kaluar përkundrejt 116.1 në shkurt, bën të ditur “Reuters”.
Indeksi i çmimeve të drithërave ra 1.7 për qind në mars. Midis drithërave kryesore, çmimet e eksportit të grurit ranë më së shumti, duke reflektuar furnizime të mira dhe inkurajuar perspektivat e prodhimit për të korrat këtë vit.
