Prodhimi i vaksinave kineze "Sinovac"/ VCG
Shefja e Organizatës Botërore të Tregtisë bëri thirrje për veprim në rritjen e prodhimit të vaksinave Covid 19 në vendet në zhvillim, ndërsa disa anëtarë të vëzhguesit të tregtisë globale e nxitën atë të zhvillonte bisedime urgjente me prodhuesit për ta bërë këtë, bën të ditur “Reuters”.
Ngozi Okonjo-Iweala, ish-ministre nigeriane e Financave, e cila ishte deri vonë kryetarja e bordit të aleancës globale të vaksinave GAVI, mori së fundmi detyrën e lartë të vëzhguesit të tregtisë globale.
"Fakti është që çdo ditë mungesë të vaksinave, njerëzit do të paguajnë me jetën e tyre", -tha Okonjo-Iweala në një samit dyditor të përqendruar në prodhimin e vaksinave Covid-19, duke shtuar se rreth 130 vende ishin ende në pritje të dozave.
Ajo shtoi se vendet e reja të prodhimit të vaksinave mund të përgatiten në gjashtë deri në shtatë muaj ose më pak se gjysma e kohës që mendohej më parë.
Prodhimi i vaksinave kineze "Sinovac"/ VCG
7 nga 164 anëtarët e organizatës lëshuan një dokument të martën, duke i kërkuar që të zhvillonte bisedime urgjente me zhvilluesit dhe prodhuesit e vaksinave Covid-19 për rritjen e prodhimit.
"OBT duhet të përdorë me shpejtësi burimet e saj në masën e plotë për të nxitur një përshpejtim të shpejtë, pragmatik dhe të prekshëm në përgjigjen globale ndaj Covid 19 dhe veçanërisht shpërndarjen globale të vaksinave", -thuhet në dokument.
Paralelisht, anëtarët e OBT-së gjithashtu do të diskutojnë një heqje të mundshme të të drejtave të pronës intelektuale për barnat që përdoren në trajtimin Covid 19, çka mund t’i lejojë prodhuesit në më shumë vende të fillojnë të prodhojnë.
Prodhimi i vaksinave kineze "Sinovac"/ VCG
Okonjo-Iweala tha gjithashtu se kufizimet e eksportit në lidhje me pandeminë kishin rënë muajt e fundit, duke u kërkuar vendeve të linin ose të ulnin ato të mbetura ose të vendosnin afate kohore për heqjen e tyre për të minimizuar problemet në zinxhirin e furnizimit të vaksinave. (Elona)
