Foto nga VCG

Foto nga VCG

Ministri i Jashtëm kinez Wang Yi deklaroi se Kina është e gatshme të ofrojë vaksina anti-Covid për të mbështetur Etiopinë dhe Algjerinë në luftën e tyre kundër virusit, gjatë dy telefonatave të ndara me homologun etiopian Demeke Mekonnen dhe atë algjerian, Sabri Boukadoum, shkruan “CGTN”.

Gjatë bisedës me Mekonnen, Wang tha se Kina i kushton shumë rëndësi marrëdhënieve me Etiopinë, duke zbuluar dhe vendimin e Kinës për të siguruar vaksina anti-Covid-19 dhe fonde për të mbështetur luftën ndaj rindërtimit pandemik dhe ekonomik më pas. Nga ana e tij, Mekonnen përshëndeti popullin kinez për Vitin e Ri, duke vlerësuar ndihmën bujare të Kinës për ekonominë e vendit dhe zhvillimin shoqëror.

Në bisedën me Boukadoum, në mbështetje të luftës së Algjerisë kundër pandemisë, Wang tha se Kina ka vendosur të ofrojë ndihmë urgjente për vaksinat. Boukadoum përsëriti angazhimin e Algjerisë për bashkëpunimin dypalësh dhe mbështetjen ndaj Kinës për çështje që lidhen me interesat e saj thelbësore. Ai shprehu dëshirën që lidhjet midis dy vendeve të ngrihen në një nivel më të lartë në Vitin e Kaut. (Irma)