Qeveria britanike ka vendosur të marrë masa më të rrepta nëse njerëzit nuk do të respektojnë rregullat për të parandaluar përhapjen e infektimeve prej koronavirusit.
Përmes një mesazhi televiziv drejtuar kombit, kryeministri britanik Boris Johnson theksoi se qeveria është e gatshme të nxjerrë dhe policinë e ushtrinë, nëse do të jetë e nevojshme, për të mbështetur agjentët të përqendrohen më shumë në ruajtjen e masave anti-Covid.
Ministri i Punëve të Jashtme, Dominic Raab paralajmëroi Mbretërinë e Bashkuar se mund të përfundojë në një bllokim kombëtar nëse masat e reja antikoronavirus të qeverisë nuk do të vënë sëmundjen nën kontroll.
Raab tha se autoritetet duan ta shmangin një mbyllje të dytë, por masat mund të ashpërsohen nëse gjithçka tjetër dështon.
Raab tha se ai shpreson që të gjithë të respektojnë rregullat, në mënyrë që vendi mos të shkojë në një bllokim kombëtar deri në fund të vitit.
