Çfarë ndryshimi ka gjatë dhjetë vjetëve në Lumin e Verdhë dhe Jance？

Pas Kongresit të 18-të të PKK-së, Kina ka marrë një sërë masash për të mbrojtur ekologjinë e lumenjve, për të cilët presidenti kinez Xi Jinping ka qenë gjithmonë i shqetësuar. Pellgu i lumit Jance është bërë fushëbeteja kryesore për zhvillimin ekologjik dhe të gjelbër, ndërsa në pellgun e Lumit të Verdhë synohet restaurimi i ekologjisë, duke ulur pjesën me rërë dhe duke rritur pjesën e gjelbër. Gjatë dhjetë vjetëve, në gjendjen ekologjike të lumenjve të mëdhenj të Kinës ka pasur ndryshime historike dhe themelore.

[Foto: VCG]

Sipas një fotoje të bërë nga sateliti, shihet dukshëm se gjatë dhjetë vjetëve, sipërfaqja me rërë është ulur dhe është rritur sipërfaqja e gjelbëruar. Linja ekologjike e Lumit të Verdhë është shtyrë përpara rreth 150 kilometra në pikën më të gjerë. Vëlllimi i rërës dhe baltës që derdhet në Lumin e Verdhë ka rënë mesatarisht me 300 - 500 milionë tonë në vit.

[Foto: VCG]

Për sa i përket Jancesë, Kina ka marrë një sërë masash për kontrollin e ndotjes. Gjatë dhjetë vjetëve të fundit, numri i ndërmarrjeve të industrisë kimike që gjenden në largësi deri tre kilometra përgjatë lumit Jance është zvogëluar me më shumë se një të katërtën. Njëkohësisht, aftësia e trajtimit të ujërave të zeza urbane është forcuar shumë. Prej vitit 2012, numri i fabrikave për trajtimin e ujërave të zeza pothuajse është dyfishuar.