Foto: VCG
Operacioni ekonomik ka përparuar në mënyrë të qëndrueshme në provincën Jilin të Kinës verilindore gjatë dekadës së fundit, me strukturën industriale të optimizuar dhe mjedisin e biznesit të përmirësuar, sipas një konference për shtyp në kryeqendrën e provincës Changchun. Jilin është përpjekur të zhvillojë tri industri të mëdha, duke përfshirë industrinë e automobilave, industrinë e përpunimit të ushqimit dhe turizmin ekologjik, bën të ditur “Xinhua”.
Në vitin 2021, produkti i brendshëm bruto i provincës u rrit me 6.6 për qind nga viti në vit dhe tërhoqi mbi 10.000 talente të kalibrit të lartë.
Në 10 vitet e fundit, Jilin ka rritur kapacitetin e saj të prodhimit të grurit, me prodhim vjetor të drithit që tejkalon 35 milionë tonë për nëntë vjet rresht, sipas konferencës për shtyp.
Për më tepër, prodhimi i grurit në Jilin ka arritur në rreth 40.39 milionë tonë në vitin 2021, 20 për qind më shumë krahasuar me atë të vitit 2012.
Me mbi 3 milionë njësi tregu, provinca do të vazhdojë të nxisë një mjedis biznesi efikas dhe të favorshëm për të përfituar ndërmarrjet.
Ndërkohë, ajo do të përshpejtojë ndërtimin e qeverisë digjitale dhe do të injektojë një shtysë të fortë në rigjallërim dhe zhvillim. (Elona)
