Një robot nënujor i telekomanduar që mund të zhytet deri në 6000 metra thellë ka kaluar testin në det, bëri të ditur Instituti i Automatizimit Shenyang (SIA) i Akademisë së Shkencave Kineze, citon “Xinhua”.
Wenhai-1, i zhvilluar për Institutin Detar Qingdao të Shërbimit Gjeologjik të Kinës, është sonda e parë autonome pa pilot në thellësi të detit, me funksione të tilla si zbulimi autonom i lundrimit me rreze të gjerë dhe marrja e mostrave të sakta, vuri në dukje SIA në faqen e saj të internetit.
Wenhai-1 kreu 17 misione zhytjeje gjatë testimeve, në të cilat arriti të mblidhte të dhëna me saktësi të lartë pranë shtratit të detit, mostra të sedimenteve sipërfaqësore dhe të organizmave të shtratit të detit.
Ndërkohë, sipas SIA, është realizuar matja e saktë e fushës së gravitetit të Tokës dhe fushës magnetike.
Wenhai-1 është projektuar për t'i shërbyer kërkimeve shkencore në thellësi të detit, si studimet e mjedisit detar, studimet e biodiversitetit, sondazhet gjeofizike të shtratit të detit për objektiva specifike, zbulimin e mjedisit ekstrem dhe studimet e burimeve minerale në thellësi të detit. (Irma)
