Xinhua
Një avion mallrash Boeing 767-300 u ngrit nga aeroporti “Ezhou Huahu” në provincën Hubei të Kinës qendrore, mëngjesin e të dielës, duke shënuar fillimin zyrtar të operimeve të aeroportit të parë profesional të qendrës së mallrave në Kinë, njofton “Xinhua”.
I vendosur në qytetin Ezhou, ai është gjithashtu aeroporti i parë profesional i qendrës së ngarkesave në Azi dhe i katërti i këtij lloji në botë.
Aeroporti i ri, i pajisur me një terminal mallrash prej 23.000 metrash katrorë, një qendër tranziti mallrash prej afro 700.000 metra katrorë, 124 stenda parkimi dhe dy pista, pritet të përmirësojë efikasitetin e transportit të mallrave ajrore dhe të promovojë më tej hapjen e vendit.
Funksionimi i Aeroportit “Ezhou Huahu” është në përputhje me nevojat e zhvillimit të Kinës, tha Su Xiaoyan, drejtor i lartë i departamentit të planifikimit dhe zhvillimit të aeroportit.
VCG
Numri i parcelave të trajtuara nga kompanitë e korrierëve të Kinës arriti një rekord prej mbi 108 miliardë vitin e kaluar dhe pritet të ruajë një rritje të qëndrueshme në vitin 2022, sipas Zyrës Shtetërore të Postës. (Fatosi)
