Foto:VCG
Më shumë se 2.9 miliardë njerëz në botë sot, kryesisht në vendet më pak të zhvilluara, ende nuk kanë akses në internet. Ndarja digjitale e ka zgjeruar më tej hendekun e zhvillimit. Kjo ka nxitur trashëgimin ndër breza të varfërisë në vendet më pak të zhvilluara, duke i bërë ato pre e shfrytëzimit.
Konferenca Botërore e Internetit, një organizatë e përhershme ndërkombëtare me seli në Pekin, e themeluar të martën, synon të shërbejë si një platformë për të ngushtuar ndarjen digjitale dhe për të kontribuar në qeverisjen globale në hapësirën kibernetike dhe zhvillimin e përbashkët të botës.
Organizata e sapothemeluar, e cila përfshin një asamble të përgjithshme, këshill, sekretariat, komitet këshillues të nivelit të lartë dhe komitete të specializuara, përfaqëson kontributin e duhur të Kinës në zhvillimin e internetit dhe përmirësimin e qeverisjes globale në hapësirën kibernetike.
Konferenca Botërore e Internetit e mbajtur në Wuzhen, provincën Zhejiang, çdo vit që nga viti 2014, do të bëhet konferenca vjetore e organizatës.
Siç tha presidenti Xi Jinping në letrën e tij të urimit për themelimin e organizatës të martën, Kina është e gatshme të punojë me komunitetin ndërkombëtar për të ndërtuar një hapësirë kibernetike që është më e drejtë dhe më e barabartë, më gjithëpërfshirëse, më e sigurt dhe më e qëndrueshme.
Shpresohet që Konferenca Botërore e Internetit, anëtarët e së cilës vijnë nga organizata ndërkombëtare, ndërmarrje kryesore, autoritete, organizata të industrisë dhe ekspertë dhe studiues të lartë në fushën e internetit, mund të zhvillohet në një platformë që mund të bashkojë përpjekjet dhe mençurinë e vendeve për të adresuar problemet që janë bërë gjithnjë e më të spikatura në sektorin e internetit.
Shkeljet e privatësisë individuale janë të përhapura në mbarë botën. Dhe krimet kibernetike, sulmet kibernetike dhe terrorizmi kibernetik janë bërë rreziqe globale.
Kompanitë e mëdha të teknologjisë po përpiqen gjithashtu të përdorin negociatat tregtare për të vendosur rregulla detyruese ndërkombëtare, që përforcojnë fuqinë e tyre monopole dhe kufizojnë qeveritë në ndërhyrjet për rregullimin e tyre. Në mënyrë të ngjashme, shqyrtimi dhe korrigjimi i algoritmeve është duke u anashkaluar.
Nëpërmjet Konferencës Botërore të Internetit, vendet mund të forcojnë dialogun dhe bashkëpunimin e tyre mbi bazën e respektit dhe besimit të ndërsjellë për të nxitur reformën e sistemit global të qeverisjes së internetit, të ndërtojnë së bashku një hapësirë kibernetike paqësore, të sigurt, të hapur dhe bashkëpunuese dhe të krijojmë një sistem global multilateral, demokratik dhe transparent të qeverisjes së internetit.
Themelimi i Konferencës Botërore të Internetit synon ta bëjë hapësirën kibernetike më të sigurt dhe më të gjallë, duke mundësuar që interneti të përmirësojë jetën e njerëzve.
Formimi i Konferencës Botërore të Internetit është një fitore për multilateralizmin në hapësirën kibernetike. Është pikëpamja e përbashkët e anëtarëve të saj se interneti nuk është me strategjinë “fituesi merr gjithçka” dhe rregullat në hapësirën kibernetike duhet të vendosen me dakordësi nga të gjitha vendet së bashku, jo nga një vend i vetëm.
