Nis ndërtimi i projektit të ri për devijimin e ujit nga jugu në veri të Kinës

[Foto: Visual People]

Ndërtimi i një projekti që lidh dy mega infrastrukturat ujore të Kinës - projekti i Tre Grykave dhe Projekti i Devijimit të Ujit nga Jugu në Veri -- filloi të enjten, një lëvizje e re për të transferuar më tej ujin në veriun e thatë të vendit duke përmirësuar rrjetin kombëtar të ujit.

Zëvendëskryeministri Han Zheng, gjithashtu kreu i një grupi drejtues për zhvillimin e cilësisë së lartë të projektit të devijimit të ujit, njoftoi fillimin të ndërtimit të projektit të ri në një takim për këtë çështje të mbajtur përmes lidhjes video, raporton “Xinhua”.

Takimi u kryesua nga zëvendëskryeministri Hu Chunhua, gjithashtu një anëtar i Byrosë Politike të Komitetit Qendror të Partisë Komuniste të Kinës. Si hapi i parë i ndërtimit pasues të programit të devijimit të ujit, projekti i ri do të kanalizojë ujin nga zona e rezervuarit të Tre Grykave në lumin Hanjiang, një degë e lumit Yangtze.

Projekti i ri është planifikuar të përfundojë për nëntë vjet. Pasi të përfundojë, pritet të rritet sasia e ujit të devijuar nga rruga e mesme e projektit të devijimit të ujit në veri të Kinës.

Rruga e mesme fillon në rezervuarin Danjiangkou, përgjatë lumit Hanjiang në Kinën qendrore, dhe shkon në verilindje deri në Pekin dhe Tianjin. (Irma)