Foto nga VCG
Administrata Kombëtare e Radios dhe Televizionit të Kinës dhe Ministria e Turizmit dhe Kulturës kanë nxjerrë së bashku një sërë protokollesh rregullatore për shërbimet e transmetimit në internet. Protokollet zbatohen për performuesit që ofrojnë shërbime transmetimi në internet, video dhe audio nëpërmjet internetit dhe gjithashtu shërbejnë si referenca për shërbimet virtuale të mundësuara nga teknologjia e inteligjencës artificiale, bën të ditur “Xinhua”.
Sipas protokolleve, shërbimet e transmetimit në internet duhet të ruajnë tonin e duhur në orientimin politik, komunikimin publik dhe vlerat dhe të mishërojnë në mënyrë aktive vlerat thelbësore socialiste.
Përdoruesit e hapësirave me përmbajtje në fusha si shëndetësia, financat, ligji dhe arsimi duhet të marrin kualifikime profesionale përpara performancës së tyre në internet.
Protokollet nxjerrin një sërë linjash përfundimtare për performuesit në internet dhe ndalojnë përmbajtjet që shkelin ligjet, rendet publike, promovojnë qëllimisht tema të pahijshme, nxisin sjellje të rrezikshme ose zakone të këqija mes të rinjve dhe nxisin dhunë në hapësirën kibernetike.
Dokumenti gjithashtu kërkon që autoritetet përkatëse të forcojnë përgjegjësinë e tyre dhe rregulloret e brendshme në menaxhimin e performuesve të internetit dhe specifikon një sërë dënimesh për shkeljet e protokolleve. (Irma)
