Foto: VCG
Ministria e Burimeve Ujore e Kinës nisi të dielën një përgjigje emergjente të Nivelit IV për kontrollin e përmbytjeve, pasi në ditët në vijim priten reshje të dendura shiu në zonat jugore të vendit, njofton “Xinhua”.
Autoriteti Meteorologjik bëri të ditur se reshjet parashikohen të prekin shumë zona në Kinën jugore në ditët në vijim, duke sjellë stuhi.
Përmbytje që tejkalojnë nivelet paralajmëruese mund të ndodhin në disa lumenj nga shirat e rrëmbyeshëm. Ndaj, ministria nisi një përgjigje emergjente për shtatë rajone të nivelit provincial, duke përfshirë Fujian, Jiangxi, Hunan, Guangdong, Guangxi, Guizhou dhe Yunnan.
Ministria u kërkoi organeve përkatëse qeveritare që të monitorojnë nga afër situatën e shirave dhe përmbytjeve, të garantojnë sigurinë e rezervuarëve dhe të forcojnë kontrollin dhe parandalimin e përmbytjeve.
Kina ka një sistem reagimi emergjent për kontrollin e përmbytjeve me katër nivele, ku niveli I është më i rëndësishëm.
