Foto:Xinhua
Arkeologët kanë gjetur tre rrjedha të mëdha ujore që datojnë që nga dinastitë Wei dhe Jin (220-420) në provincën Henan të Kinës qendrore, njofton “Xinhua”.
Objektet e lashta të ruajtjes së ujit në qytetin e Luoyang janë tre kanale guri që kalojnë krah për krah nga jugperëndimi në verilindje, sipas një ekipi të Institutit të Arkeologjisë nën Akademinë Kineze të Shkencave Sociale.
“Megjithëse lartësia e poshtme, shkalla dhe forma e muraturës së tre rrugëve ujore janë paksa të ndryshme, ato janë dukshëm të unifikuara në planifikim dhe ndërtim”, -tha Guo Xiaotao, zv.drejtues i ekipit.
Guo vuri në dukje se dokumentet historike tregojnë se këto rrugë ujore janë përdorur si kanale të devijimit të ujit nga jashtë pallatit të vjetër në Luoyang në veri të zonës.
“Këto objekte pasqyrojnë aftësitë e pjekura të projekteve të ruajtjes së ujit në dinastitë Wei dhe Jin, si dhe njohjen e qytetit të vjetër për planifikimin, transformimin dhe përdorimin e burimeve ujore”, -tha Liu Tao, kreu i ekipit.
