Foto： Xinhua
Presidenti kinez Xi Jinping i dërgoi të dielën një letër urimi “Ta Kung Pao”, një prej gazetave më të vjetra në gjuhën kineze me bazë në Hong Kong, në 120 vjetorin e themelimit të saj.
Në letër, presidenti Xi i kërkoi gazetës të çonte përpara traditat e saj patriotike, të ndiqte zhvillimin inovativ dhe të shkruante kapituj edhe më të shkëlqyer të zbatimit të qëndrueshëm “një shtet, dy sisteme”.
Për më shumë se një shekull, “Ta Kung Pao” ka luajtur një rol aktiv në ndërtimin e Kinës së Re, reformën, hapjen dhe modernizimin, tha presidenti Xi, duke shtuar se gazeta ka luajtur gjithashtu një rol aktiv në ruajtjen e prosperitetit dhe stabilitetit të Hong Kongut.
Xi i bëri thirrje gazetës që të vazhdojë të rrisë ndikimin e saj dhe të kontribuojë më shumë në realizimin e ëndrrës kineze të përtëritjes kombëtare.
Letra u lexua në një ceremoni të mbajtur në Hong Kong të dielën pasdite për të shënuar përvjetorin e themelimit të gazetës.
Gazeta, e themeluar më 17 qershor 1902, është më e vjetra në gjuhën kineze ende në qarkullim në botë.
