Foto nga VCG
Rajoni i deltës së lumit Yangtze, qendra e tregtisë së jashtme të Kinës, trajtoi 1135 udhëtime të kryera nga trenat e mallrave Kinë-Evropë në pesë muajt e parë të këtij viti, me një rritje prej 8.8 për qind nga viti në vit, njoftoi “China Railway Shanghai Bureau Group Co., Ltd”.
Numri i udhëtimeve të trenave të mallrave Kinë-Evropë që nisen nga rajoni arriti në 235 në maj, 12.4 për qind më shumë në muaj dhe 14.1 për qind nga viti në vit, bën të ditur “Xinhua”.
“Produktet tona shiten kryesisht në vendet evropiane. Trenat garantojnë kohën e transportit dhe na ndihmojnë të kursejmë kostot e logjistikës”, -tha Zhu Weidong, menaxher i “China Marine Shipping Agency Ningbo Co., Ltd”.
Yiwu në Kinën lindore, qendra e vogël e mallrave të Kinës, dërgoi 23.700 TEU ngarkesa përmes 486 trenave të mallrave Kinë-Evropë në pesë muajt e parë të vitit.
Trenat që dalin nga Yiwu në disa vende evropiane transportojnë kryesisht mallra të vogla. Trenat për në Yiwu sjellin qumësht, verë të kuqe, lëndë të para, makineri dhe pajisje, artikuj për tregti elektronike ndërkufitare dhe mobilie druri.
