Foto nga VCG
Zëvendëskryeministri kinez, Han Zheng, ka bërë thirrje për thellimin e reformave dhe inovacionit për të promovuar zhvillim me cilësi të lartë, mes përpjekjeve për të rigjallëruar bazën e vjetër industriale të Kinës verilindore në një mënyrë të gjithanshme.
Han i bëri këto komente gjatë një turneu kërkimor në provincën Liaoning të Kinës verilindore në fillim të javës. Çelësi për rigjallërimin dhe zhvillimin e Kinës verilindore është krijimi i një mjedisi të shëndoshë ligjor, tha Han, duke theksuar përpjekjet për të stimuluar vitalitetin e tregut nëpërmjet reformave dhe inovacionit, citon “Xinhua”.
Sipas tij, është e rëndësishme të mblidhen talente, të ndërtohen platforma të ndryshme për të rinjtë që të gjejnë punë ose të fillojnë bizneset e tyre dhe të ofrohet mbështetje për zhvillimin ekonomik.
Duke bërë thirrje për rinovimin urban në dritën e kushteve lokale, Han nënvizoi gjithashtu koordinimin efikas mes parandalimit dhe kontrollit të epidemisë dhe zhvillimit ekonomik dhe social, si dhe kontributet pozitive në stabilizimin e tregut makroekonomik.
