VCG
Kina do të avancojë ndërtimin e objekteve të magazinimit të ftohtë në zonat prodhuese bujqësore për t'i shërbyer më mirë industrisë rurale dhe për të rritur të ardhurat e fermerëve, sipas një qarkoreje të lëshuar të hënën.
Në qarkoren e publikuar bashkërisht nga Ministria e Bujqësisë dhe Çështjeve Rurale dhe Ministria e Financave thuhet se subjektet e tregut do të inkurajohen të krijojnë dhe rinovojnë qendrat e shpërndarjes me zinxhir të ftohtë në vendet e prodhimit, citon “Xinhua”.
VCG
Vendi do të përmirësojë shërbimet, duke përfshirë klasifikimin, përpunimin parësor dhe shpërndarjen në këto zona. Në qarqet kryesore prodhuese të produkteve bujqësore të freskëta do t'i jepet përparësi krijimit të pajisjeve ftohëse, ndërsa zona të kualifikuara mund të ndërtojnë parqe industriale të tregtisë elektronike për bujqësinë bazuar në qendrat e tyre të shpërndarjes së zinxhirit të ftohtë.
Në qarkore thuhet se do të bëhen përpjekje për të promovuar shtrirjen e rrjeteve të shërbimeve të logjistikës me zinxhir të ftohtë në zonat rurale.
