VCG
“Hongkong Post” njoftoi të martën se një shërbim rezervimi në internet do të nisë javën e ardhshme për të ndihmuar njerëzit që kanë nevojë për shërbime, duke përfshirë trajtimin e të dhënave jo lokale të vaksinimit për të zgjedhur paraprakisht datën, orarin dhe zyrën postare të caktuar, bën të ditur “Xinhua”.
Shërbimi i rezervimit në internet do të mbulojë gjithashtu ofrimin e shërbimit për lejen e përkohshme të vaksinës dhe të dhënat e rikuperimit jolokal në zyrat postare të caktuara.
Që nga fillimi i një programi të vaksinimit masiv në shkurt të vitit të kaluar, rreth 6.66 milionë njerëz ose 91.5 për qind e popullsisë së kualifikuar në Hong Kong, kanë marrë të paktën një vaksinë kundër Covid-19, ndërsa mbi 6.22 milionë ose 85.5 për qind e popullatës së kualifikuar kanë marrë dy doza.
Deri të martën, numri i njerëzve në Hong Kong që kanë marrë dozën e tretë përforcuese tejkaloi 3.35 milionë ose 49.5 për qind e popullsisë së kualifikuar në Hong Kong.
VCG
Të martën, Hong Kongu regjistroi 138 raste të reja Covid-19 nga testet e acidit nukleik dhe 135 raste shtesë përmes testeve të shpejta të antigjenit të vetëraportuara, treguan të dhënat zyrtare.
