Foto： VCG
Rajoni i Posaçëm Administrativ i Hong Kongut (HKSAR) i Kinës ka bërë hapa të rinj në zhvillimin e demokracisë që i përshtatet realiteteve të veta, pasi zgjedhja e shefit ekzekutiv të HKSAR-it për mandatin e gjashtë u mbajt pa probleme të dielën, shkruan “Xinhua” në një koment te saj.
Me zgjedhjen e suksesshme të shefit të ekzekutivit, si dhe zgjedhjet e Këshillit Legjislativ dhe Komitetit Zgjedhor vitin e kaluar, Hong Kongu ka parë të zbatohen plotësisht rregullat e reja zgjedhore dhe parimi i "patriotëve që administrojnë Hong Kongun" është konsoliduar më tej.
Nuk kishte demokraci në Hong Kong kur ishte nën sundimin kolonial britanik. Kthimi i Hong Kongut atdheut shënoi kapitullin hapës të demokracisë së tij.
Autoritetet qendrore kanë përmirësuar sistemin zgjedhor të Hong Kongut në përputhje me kushtet e tij. Ai përfaqëson përmirësimet e vazhdueshme të institucioneve demokratike të Hong Kongut dhe ka hedhur një bazë solide për zhvillimin e shëndetshëm të demokracisë në rajon, shkruan “Xinhua”.
Zgjedhja e shefit të ekzekutivit për mandatin e gjashtë të HKSAR-it u mbajt në përputhje të plotë me ligjet dhe rregulloret, si dhe në mënyrë të drejtë, të paanshme dhe të hapur, duke demonstruar plotësisht avantazhet e sistemit të ri zgjedhor.
Komisioni Zgjedhor i ristrukturuar ka një bazë më të gjerë sociale. Është më përfaqësues, me pjesëmarrje më të ekuilibruar nga të gjithë sektorët e shoqërisë. Kështu, ai do t'i mundësojë shefit ekzekutiv të zgjedhur sipas sistemit të ri të përfaqësojë më mirë interesat e përgjithshme dhe themelore të Hong Kongut.
John Lee mori 786 nominime të vlefshme nga anëtarët e Komitetit Zgjedhor gjatë periudhës së nominimit dhe fitoi zgjedhjet me 1416 vota, duke treguar se ai ka fituar miratimin e shumicës së anëtarëve të Komitetit Zgjedhor dhe mbart pritshmëritë e banorëve të Hong Kongut.
Nën udhëheqjen e shefit të ekzekutivit të mandatit të gjashtë dhe ekipit të tij, Hong Kongu me siguri do të kapërcejë vështirësitë dhe do të vazhdojë të ecë përpara, duke shkruar një kapitull të ri në praktikën e suksesshme të "një shteti, dy sistemeve".
