Kina lëshoi të enjten një raketë bartëse “Marshimi i Madh-2D” për të vendosur një grup prej tetë satelitësh në hapësirë. Sateliti “Jilin-1 Kuanfu 01C”, së bashku me shtatë satelitë “Jilin-1 Gaofen 03D”, u ngritën më 10:38 të mëngjesit sipas orës së Pekinit nga Qendra e Lëshimit të Satelitëve e Taiyuan-it në provincën veriore Shanxi dhe hynë shpejt në orbitën e paracaktuar. “Jilin-1 Kuanfu 01C”, me një mbulim të gjerë, do të përdoret për të ofruar shërbime komerciale të dhënash gjurmimi në largësi për sektorë të tillë si burimet tokësore, eksplorimi i mineraleve dhe ndërtimi i qyteteve inteligjente.
