Foto nga VCG
Shefja Ekzekutive e Rajonit të Posaçëm Administrativ të Hong Kongut (HKSAR), Carrie Lam njoftoi se shkollat do të rifillojnë mësimet me prani fizike të nxënësve pas festës së pashkës, njofton “Xinhua”.
I gjithë stafi, mësuesit dhe studentët duhet të kryejnë teste të shpejta të antigjenit Covid-19 (RAT) çdo ditë dhe vetëm ata që janë testuar negativë mund të hyjnë në shkolla, tha Lam në një konferencë për shtyp.
Me zbutjen e pandemisë në Hong Kong, shkollat kanë zbatuar në mënyrë rigoroze një sërë masash kundër pandemisë dhe pothuajse i gjithë stafi dhe mësuesit janë vaksinuar plotësisht, gjë që siguroi kushte të favorshme për rifillimin e orëve të mësimit ballë për ballë.
Megjithatë, shkalla e vaksinimit për fëmijët e moshës 3-11 vjeç nuk ishte e kënaqshme, me vetëm rreth 62 për qind dhe 30 për qind që kishin marrë dozat e tyre të para dhe të dyta respektivisht, tha Lam, duke u kërkuar prindërve që të vaksinojnë fëmijët e tyre sa më shpejt.
Të hënën, Hong Kongu regjistroi 698 raste të reja Covid-19 nga testet e acidit nukleik dhe 709 raste të tjera pozitive përmes testeve të shpejta të antigjenit të vetëraportuara, treguan të dhënat zyrtare.
