foto nga VCG
Ndërmarrjet shtetërore në administrim qendror të Kinës siguruan një rritje të qëndrueshme të fitimeve neto në vitin 2021, pavarësisht vazhdimit të ndikimit të pandemisë së COVID-19, treguan të dhënat zyrtare të publikuara të mërkurën.
Fitimet neto të ndërmarrjeve qendrore vjet u rritën 29.8% krahasuar me vitin 2020, duke arritur në 282.81 miliardë dollarë amerikanë, me një normë mesatare rritjeje dyvjeçare prej 15.3 %, sipas Komisionit Shtetëror të Mbikëqyrjes dhe Administrimit të Pasurive Shtetërore të Këshillit të Shtetit të Kinës.
Zëdhënësi i këtij Komisioni Peng Huagang tha në një konferencë për shtypin se të ardhurat e ndërmarrjeve qendrore në vitin 2021 arritën në 36.3 trilionë juanë, duke u rritur 19.5% në krahasim me 2020-tën.
Sipas të dhënave, vjet ndërmarrjet qendrore i shtuan investimet në kërkim-zhvillim për të nxitur zhvillimin e drejtuar nga inovacioni. Vlera e investimeve arriti në 905.59 miliardë juanë.
Aftësia paguese e përgjithshme e ndërmarrjeve qendrore mbeti e qëndrueshme. Në fund të dhjetorit, raporti mesatar i borxhit ndaj aktiveve të ndërmarrjeve qendrore arriti në 64.9%. (Fang Xiaoyu/Artan)
