foto nga VCG
Rajoni Autonom i Tibetit në Kinën jugperëndimore shpenzoi 20.23 miliardë juanë (rreth 3.1 miliardë dollarë amerikanë) për mbrojtjen ekologjike nga viti 2016 deri në vitin 2020, sipas autoriteteve lokale të mjedisit.
Kjo shumë është më shumë se dyfishi i asaj të shpenzimeve për periudhën e mëparshme pesëvjeçare, njoftoi departamenti i ekologjisë dhe mjedisit i rajonit të mërkurën në një deklaratë.
Fondet u përdorën kryesisht në projekte që synonin pyllëzimin, mbrojtjen dhe restaurimin e ligatinave, ndërtimin e rezervave natyrore, mbrojtjen e pyjeve natyrore, kontrollin e rërës, si dhe mbrojtjen e kafshëve të egra, bën të ditur “Xinhua”.
foto nga VCG
Deri tani, rajoni i rrafshnaltës ka investuar një total prej 12.72 miliardë juanë për të zbatuar një plan për mbrojtjen dhe përmirësimin e barrierave të sigurisë ekologjike në Tibet që nga viti 2009.
Rrafshnalta Qinghai-Tibet njihet si "çatia e botës". Meqenëse Tibeti është një garantues i rëndësishëm i sigurisë mjedisore të Kinës, qeveria kineze i kushton një rëndësi të madhe mbrojtjes së mjedisit të rajonit. Në vitin 2020, mbulimi i pyjeve të rajonit arriti në 12.31 për qind dhe mbulimi i gjithanshëm i vegjetacionit i kullotave natyrore u rrit në 47 për qind, sipas një letre të bardhë të lëshuar në fillim të këtij viti. (Elona)
