foto nga VCG
Ditët e fundit mediat amerikane zbuluan se ushtria amerikane kreu një sulm me dron në Afganistan me arsyen e “antiterrorizmit”, por objektivat e goditur ishin “të palidhur” me organizatat terroriste. Raporti konfirmoi se dhjetë të vdekurit nga ky sulm ishin civilë, më i vogli ndër të cilët vetëm dy vjeç. Lidhur me këtë, zëdhënësi i Departamentit të Mbrojtjes të ShBA-së tha se ushtria amerikane “nuk di si të shkojë në Kabul për të hetuar.”
Kjo lloj shprehjeje përbuzëse tregon vetëm se qeveria amerikane e shpërfill jetën njerëzore. Ajo është brutale, ngacmuese dhe shkelëse e të drejtave të njeriut. ShBA-ja ka sjellë katastrofa të mëdha humanitare në botë dhe është një shkatërruese e paqes botërore.
Historiani amerikan Paul Atwood ka thënë: “Lufta është mënyra e jetesës së amerikanëve.” ShBA-ja lindi dhe u rrit e u bë një superfuqi në luftëra, skllavëri dhe masakra. Në historinë e saj 240-vjeçare, ShBA-ja nuk ka luftuar vetëm për 16 vjet. Qysh nga përfundimi i Luftës së Dytë Botërore, ShBA-ja ka zhvilluar vazhdimisht luftëra jashtë vendit, duke shkaktuar dëme jashtëzakonisht serioze në jetë civilësh të pafajshëm dhe humbje të mëdha materiale.
foto nga VCG
Për shembull, në vitin 2002, ShBA-ja, pavarësisht kundërshtimit të përgjithshëm të bashkësisë ndërkombëtare, nisi luftën në Irak me akuza të pajustifikuara. Sipas stastikave, të paktën 180 mijë-200 mijë civilë irakianë vdiqën në këtë luftë.
Sipas të dhënave nga revista “Smithsonian” e ShBA-së, që nga ngjarja e 11 shtatorit të vitit 2001, ShBA-ja ka zhvilluar luftë dhe veprime ushtarake në emër të “antiterrorizmit” në “rreth 40% të vendeve në këtë planet”. Të dhënat e fundit nga projekti i Universitetit Brown “Kostoja e luftës” tregojnë se e ashtuquajtura “luftë kundër terrorizmit” ka shkaktuar më shumë se 800 mijë të vdekur dhe mbi 38 milionë të zhvendosur.
Fakte të panumërta i tregojnë botës se ShBA-ja është minuesja e vërtetë e rregullave ndërkombëtare dhe e rendit botëror, dhe burimi i paqëndrueshmërisë e pasigurisë në rritje në botën e sotme. Hegjemonizmi amerikan dhe politika e forcës prishin rendin global, kërcënojnë paqen e njerëzimit dhe janë sfida më e madhe që kërcënon përparimin dhe zhvillimin paqësor të shoqërisë. Nëse ShBA-ja vazhdon të këmbëngulë në hegjemoninë, do të kundërshtohet nga shumë vende e popuj paqedashës, dhe është e destinuar të braktiset nga koha. (Fang Xiaoyu/Artan)