foto nga Xinhua
Asambleja Kombëtare Popullore (AKP) ose parlamenti kinez, miratoi të enjten një vendim mbi përmirësimin e sistemit zgjedhor të Rajonit të Posaçëm Administrativ të Hong-Kongut.
Vendimi u miratua me një shumicë dërrmuese votash në seancën vjetore të AKP-së .
Vendimi është një tjetër hap i madh i ndërmarrë nga shteti për të përmirësuar sistemet ligjore dhe politike në Rajonin e Posaçëm Administrativ të Hong-Kongut që pas miratimit në qershor 2020 të Ligjit për Mbrojtjen e Sigurisë Kombëtare në këtë rajon.
foto nga Xinhua
Gjatë shqyrtimit të një projekti për vendimin, të pranishmit ishin të mendimit se kthimi i Hong-Kongut në gjirin e atdheut e vendosi rajonin edhe një herë nën sistemin e përgjithshëm të qeverisjes së vendit, dhe Kushtetuta e Kinës dhe Ligji Themeltar i Rajonit të Posaçëm Administrativ të Hong-Kongut formojnë bashkërisht bazën kushtetuese të rajonit.
Sistemi zgjedhor i rajonit të Hong-Kongut, i cili përfshin metodat për zgjedhjen e Shefit Ekzekutiv dhe për formimin e Këshillit Legjislativ, është një pjesë e rëndësishme e strukturës politike të Rajonit të Posaçëm Administrativ të Rajonit të Hong-Kongut, sipas sesionit.
Sistemi zgjedhor duhet të jetë në përputhje me politikën "Një vend, dy sisteme", dhe të shërbejë për të siguruar që Hong-Kong të administrohet nga njerëz që e duan vendin dhe e duan Hong-Kongun, sipas sesionit.
foto nga VCG
Sistemi zgjedhor duhet të jetë në favor të ruajtjes së sovranitetin kombëtar, sigurisë dhe interesave të zhvillimit të Kinës dhe të ndihmojë në ruajtjen e begatisë dhe stabilitetit afatgjatë të Hong-Kongut, sipas sesionit.
AKP-ja e mori këtë vendim me synimin e përmirësimit të sistemit zgjedhor të Rajonit të Posaçëm Administrativ të Hong-Kongut dhe zhvillimin e një sistemi demokratik të përshtatshëm për realitetin e rajonit, në përputhje me Kushtetutën e Kinës, Ligjin Themeltar të Rajonit të Posaçëm Administrativ të Hong-Kongut dhe Ligjin për Mbrojtjen e Sigurisë Kombëtare në Rajonin e Posaçëm Administrativ të Hong-Kongut. (Albana)