Foto nga VCG
Foto nga VCG
Grupi i parë i vaksinave Covid-19 të porositura nga Tajlanda nga kompania farmaceutike kineze “Sinovac Biotech” mbërriti në Bangkok, duke hapur rrugën për fillimin e programit kombëtar të vaksinimit në vend. 200.000 doza janë dërgesa e parë e 2 milionë vaksinave të porositura nga Tajlanda në kompaninë bio-farmaceutike kineze, shkruan “Xinhua”. Grupi i parë i vaksinave “Sinovac” do të shpërndahet në 13 provinca, duke përfshirë Bangkokun, dhe do të administrohen te grupet në rrezik.
Foto nga VCG
Foto nga VCG
Një grup i dytë prej 800.000 pritet të mbërrijë në Tajlandë muajin tjetër, i ndjekur nga një dërgesë e tretë me një milion doza. Tajlanda ka krijuar një program kombëtar të vaksinimit me tre hapa, me qëllim imunizimin e një pjese të mjaftueshme të popullsisë së përgjithshme për të arritur imunitetin e tufës. Përveç vaksinave “Sinovac”, vendi do të përdorë edhe ato të “AstraZeneca”. (Irma)
