Si ndikon strategjia kineze e daljes nga varfëria mbi Afrikën dhe Europën?

Në fund të vitit 2020, Kina bëri arritje historike duke dalë plotësisht nga varfëria ekstreme. Ky është një nga sukseset më të mëdha të arritura nga populli kinez, i cili jo vetëm ndikon jetën e kinezëve, por edhe do t’u sjellë vendeve të tjera mundësi të reja.

Në artikullin me titull “Përvoja kineze e zhdukjes së varfërisë që vlen të mësohet nga Afrika” të botuar në uebsajt, dijetari kenian i marrëdhënieve ndërkombëtare Adhere Cavince shkroi: “Kontributi i Kinës për çështjen globale të pakësimit të të varfërve arriti në 70%. Suksesi i Kinës ka sjellë shumë burime, të cilat mund të futen në fushat ku nevojitet më shumë ndihma në Afrikë dhe në mbarë botën.” Në artikullin e tij të botuar në gazetën e Nigerisë “Vanguard”, drejtori i Qendrës Studimore të Kinës të Nigerisë Charles Onunaiju vuri në dukje se ndikimi kyç i luftës kineze kundër varfërisë mbi Afrikën është që njerëzit të kuptojnë se varfëria nuk është e pandryshueshme. “Me vullnetin politik dhe politikën e qëndrueshme, ne mund ta zhdukim varfërinë,” tha Charles Onunaiju.

Pas arritjes së fitores vendimtare të luftës kundër varfërisë, Kina po ecën drejt objektivit tjetër: realizimi në përgjithësi i modernizimit brenda 30 vjetëve. Me fuqizimin e shtetit, fuqia blerëse e konsumatorëve kinezë është shtuar dita-ditës duke u sjellë vendeve të zhvilluara mundësi të reja. Gazeta franceze “Capital” u shpreh se kur marka “L’OREAL” hyri në tregun kinez në vitin 1997, femrat kineze rrallë e përdornin buzëkuqin, sot ato përdorin 5 ose 6 produkte kozmetike çdo ditë, kurse femrat franceze përdorin vetëm 3 produkte kozmetike në ditë.

Kina dhe Europa janë dy tregjet e mëdhenj në botë, sipas statistikave të Bashkimit Europian, në vitin 2020, 27 vendet anëtare të BE-së importuan mallra kineze me vlerën prej 383.5 miliardë eurosh duke u rritur 5.6% në krahasim me vitin 2019. Eksportet e BE-së në Kinë arritën në 202.5 miliardë euro duke u rritur 2.2%, Kina është bërë partnerja më e madhe tregtare e BE-së. Gazeta spanjolle “El Economista” shkruan: “Tani çështja nuk është që a duhet të investohen apo jo në Kinë, por është që sa duhet të investohen në Kinë.” Në 30 vjetët e ardhshëm, mundësitë tregtare mes Kinës dhe Europës janë përtej imagjinatës. (Fani/Albana)