Gati 200.000 vende pune u janë siguruar drejtpërdrejt të diplomuarve të kolegjit nga familjet e varfra këtë vit, bëri të ditur të hënën Ministria kineze e Edukimit.
Ministria ka organizuar panaire pune për të diplomuarit nga familje të varfra dhe ka dërguar mbi 280.000 artikuj të informacionit të rekrutimit përmes telefonave celularë, tha Wang Hui, përfaqësues i ministrisë.
Po ashtu, janë ndihmuar të diplomuarit e kolegjit nga familjet e varfra në 52 qarqe të varfra në të gjithë vendin në kërkimin e punësimit, njofton media kineze “CGTN”.
Masa të tjera të marra nga ministria përfshijnë trajnimin e arsimit të mëtejshëm dhe udhëzimet e personalizuara të punësimit.
Për të lehtësuar punësimin e të diplomuarve të varfër, disa universitete dhe ndërmarrje kineze gjithashtu kanë marrë masa preferenciale.
8.74 milionë studentë janë diplomuar në Kinë këtë vit. Pandemia Covid 19 ka ndikuar në nivelin e punësimit. Ministria e Arsimit eksploroi një mënyrë të re rekrutimi "në internet", me rezultate të jashtëzakonshme.
