Avokatja dhe praktikuesja e ba duan jin, Zhang Yan dhe ekipi i saj fituan konkursin Ba Duan Jin të provincës Gansu në nëntor 2020.Konkursi, duke përfshirë 33 ekipe, tërhoqi më shumë se 1,400 pjesëmarrës. [Foto nga China Daily]
Ba duan jin ofron përfitime shëndetësore duke bashkërenduar lëvizjet e trupit me frymëmarrjen dhe një mendje të relaksuar, thonë Shen Wendi dhe Ma Jingna.
"Me gishtërinjtë tuaj të kryqëzuar, merrni frymë thellë, pastaj ngadalë ngrini krahët mbi kokën tuaj".
Long Jing, 66 vjeç, po demonstron një ushtrim ba duan jin në një video që ajo postoi në aplikacionin e videove të shkurtra Douyin.
Si një nga profesionistët e nivelit të lartë në Lanzhou, të provincës Gansu, Long ka dhënë mësim për këtë disiplinë për mbi 15 vjet. Çdo ditë nga ora 7 deri në 8:30 të mëngjesit, ajo organizonte sesione ushtrimesh në mëngjes në sheshin më të madh në qytet, duke tërhequr 100 deri 200 pjesëmarrës çdo ditë.
Në gjysmën e parë të vitit 2020, megjithatë, për shkak të masave paraprake distancuese të COVID-19, ajo filloi të jepte leksione ba duan jin në internet. Ndjekësit e saj i dërgonin videot e tyre të praktikës për korrigjim dhe udhëzim.
"Sidomos ka shumë rëndësi të jeni pozitivë dhe optimistë gjatë kohërave të zymta. Ba duan jin është një ushtrim gjithëpërfshirës për të drejtuar trupin dhe frymëmarrjen, dhe kështu të qetësojë mendjen. Kjo është mënyra se si kinezët kanë qendruar tradicionalisht të shëndetshëm", thotë Long.
Ndjekësit e saj përfshijnë një gamë të madhe moshe, nga nxënës shkolle deri te personat 89-vjeçarë.
"Ekzistojnë forma të ndryshme të qigong-ut, por mendoj se ba duan jin funksionon më mirë për mua", thotë një nga studentët e saj, Guo Xiuzhen, 55 vjeç.
Guo doli në pension në moshën 50 vjeç, pesë vjet më herët se mosha e pensionit te gratë, për shkak të shëndetit të dobët. Para se të merrej me sport, ajo ishte e varur nga ilaçet për lehtësim.
Gratë e moshës së saj janë zakonisht shtyllat e familjeve të tyre, pasi ato kujdesen për të moshuarit dhe rritin nipërit dhe mbesat. Por Guo nuk ishte në gjendje ta bënte atë për shkak të sëmundjes së saj.
"Në të kaluarën, shpesh e ndieja se isha e padobishme, pasi nuk isha në gjendje të bëja as punën time as punët e shtëpisë. Gjithçka që doja të bëja ishte të dilja në pension sa më shpejt të ishte e mundur dhe të flija. Shpesh fajësoja veten time, sepse nuk arrita të plotësoja përgjegjësitë e mia si prind dhe si vajzë ", thotë Guo.
Long Jing (e dyta nga e djathta) udhëzon entuziastët gjatë seancës së tij të përditshme të ushtrimit në mëngjes në sheshin Dongfanghong në Lanzhou, provinca Gansu, të Premten.(Foto nga China Daily)
Ajo filloi të mësonte ba duan jin nga Long në vitin 2016. Me vetëm katër vjet praktikë të vazhdueshme ajo arriti të forcojë gradualisht trupin dhe shpirtin e saj.
"Disa forma të qigong-ut janë të vështira pasi imitojnë sjelljet e kafshëve. Në krahasim, lëvizjet ba duan jin janë më të buta dhe më të lehta për t’u ndjekur. Përndryshe, do të ishte e pamundur që unë të vazhdoja".
Sipas personave të afërt me Guo-n, një nga transformimet më të mëdha që ajo ka pësuar që kur filloi të praktikonte ba duan jin është se tani ka një qëndrim më pozitiv ndaj jetës.
"Unë kam qenë një kuzhiniere amatore, pasi oreksi im ishte aq i dobët sa nuk kisha ndërmend të gatuaja fare. Por, ndërsa u bëra më i mirë si fizikisht ashtu edhe mendërisht, fillova të gatuaj dhe vazhdoja të bëja përparim. Tani kam më shumë vetëbesim se në të kaluarën".
Guo mbushi frigoriferin e saj me mish dhe perime të freskëta për Vitin e Ri Hënor që sapo kaloi, ndërsa po bëhej gati të gatuante të gjithë familjen një vakt të madh për festën.
"Unë nuk jam më problemi në familjen time. Tani mund të jap një kontribut pozitiv dhe t'i bëj të lumtur. Kjo është ajo për të cilën vlerësoj më shumë dhe ndihem krenare," thotë ajo.
Shëndeti në lëvizje
Në kontrast me format ushtarake të qigong-ut, ba duan jin ka për qëllim kryesisht përmirësimin e shëndetit.
Madje është miratuar si një regjim fitnesi terapeutik për raste të lehta të COVID-19 pasi Zhang Boli, kreu i Universitetit Tianjin të Mjekësisë Tradicionale Kineze dhe kryetari i nderit i Akademisë Kineze të Shkencave Mjekësore Kineze, e rekomandoi atë vitin e kaluar si një ndihmë për shërimin për pacientët në spitalet e improvizuara në Wuhan, kryeqendra e provincës Hubei.
Foto nga China Daily
Emri fjalë për fjalë përkthehet si "brokadë me tetë seksione" pasi përbëhet nga një sekuencë e tetë lëvizjeve që forcojnë muskujt, përmirësojnë qarkullimin dhe frymëmarrjen dhe rrisin sistemin imunitar.
Kjo praktikë daton që nga Dinastia Song (960-1279), lëvizjet janë të lehta për t'u bërë, efektive në përmirësimin e shëndetit dhe promovimin e një sjelljeje të hijshme. Duke qenë një nga format më të thjeshta të qiqong-ut, ajo është gjithashtu një nga më të popullarizuarat, veçanërisht tek njerëzit e moshës midis 45 dhe 60 vjeç.
Një grup lëvizjesh zgjat vetëm rreth gjashtë minuta për të përfunduar, dhe kërkon hapësirë sa më pak se 1 metër katror.
Zhang Yan, 50 vjeçe, është gjithashtu një adhuruese e ba duan jin.
Ajo nuk kishte dijeni për këtë stërvitjen derisa pa Garat Provinciale Gansu Ba Duan Jin në nëntor 2020, për të cilën Long ishte instruktore. Pasi u regjistrua në konkurs, ajo filloi të merrte një trajnim njëorësh në ditë me 29 kolegë të tjerë nën drejtimin profesional. Pas dy javësh praktikë, ajo ra në dashuri me të.
"Duket e lehtë për t’u mësuar, por kërkon shumë energji, sepse duhet të jesh shumë i përqendruar. Një set komplet ushtrimesh zgjat vetëm disa minuta, por djersitem shumë pasi përsëris një set disa herë. Ndihem e rifreskuar dhe e gjallëruar pas kësaj," tha ajo.
Grupi i saj fitoi çmimin e parë në konkurs, gjë që e inkurajoi atë të vazhdonte praktikimin.
"Jam në formë më të mirë. Tani kam në plan t’i inkurajoj motrat e mia të praktikojnë me mua", tha Zhang.
Ajo gjithashtu ka gjetur diçka për të bërë pas daljes në pension, pasi dëshiron të bëhet një mësuese si Long duke e prezantuar ba duan jin në më shumë njerëz.
"Ba duan jin nuk është një regjim i forët fitnesi. Është e rëndësishme të merrni reagimet e njerëzve ndaj ushtrimeve dhe të dëgjoni përgjigjet e tyre, në mënyrë që të përshtatet më shumë për të përmbushur nevojat e njerëzve modernë. Unë mendoj se kjo është përgjegjësia ime dhe është pasioni im Sipas mendimit tim, kjo është trashëgimia e vërtetë e një thesari të kulturës kineze," tha ajo.
