Ai është një kant-autor, producent, regjizor dhe aktor hong kongas. Ai konsiderohet si një nga themeluesit ose babi i "Kantopo-it".

Talenti dhe emri i tij shpërtheu gjatë viteve 80' si ikonë e pop-it të Hong Kongut dhe si aktor duke u vlerësuar me çmime të ndryshme si Most Popular Male Artist Awards në vitet 1988 dhe Jade Solid Gold Best Ten Music Awards 1989.

Në vitin 1989, Cheung u tërhoq nga industria e muzikës si këngëtar popi. Ai u rikthye në skenë pas pesë viteve duke nxjerr albumin e tij të rikthimit Most Beloved , i cili arriti një sukse të madh në tregun muzikor. Në vitin 1999, ai fitoi çmimin Golden Needle Award në RTHK Top 10 Gold Songs Awards, dhe hiti i tij Monica u votua si kënga e shekullit në Hong Kong. Ndërsa ai u nderu me çmimin "Asia's Biggest Superstar".

Cheung në vitin 1991 fitoi çmimin Hong Kong Film Award (Days of Being Wild) dhe në 94-ën çmimin Hong Kong Film Critics Society Award (Ashes of Time) si aktori më i mirë. Në vitin 1994 ai u nderua me një tjetër çmim për performancën e tij në Farewell My Concubine dhe dhjetë nominime të tjera si aktori më i mirë, pesë për Golden Horse Awards, tre për Cannes Film Festival Awards, një Asia Pacific Film Festival Award, dhe një për Venice Film Festival Award.

Fansat e tij të muzikës dhe të kinematografisë u shtrinë përtej Hong Kongut, në të gjithë Azinë.

Ai është këngëtari i vetëm i huaj që ka realizuar rreth 16 koncerte në Japoni dhe është rënditur si artisti me më shumë shitje në Kanto-pop në Kore.

Cheung u rrëndit si aktori më i mirë në 100 vite kinematografi kineze. Në vitin 2010 ai u votua i treti "Most Iconic Musicians of All Time" pas Michael Jackson dhe The Beatles). CNN e ka konsideruar atë si mashkullin më të bukur të kinemasë së Hong Kongut dhe një nga 25 aktorët aziatik më të mirë të të gjitha kohrave.

Cheung u vetvra në prill të vitit 2003 duke u hedhur nga kati i 24-t i hotelit Mandarin Oriental në Hong Kong. Në letrën që ai kishte lënë para vdekjes, thuhej që ai kishte kohë që vuante nga depresioni.(Raela Hafizi)