"Maleficent" bëhet filmi më fitimprurës i Angelina Jolie

Filmi "Maleficent" po kthehet në më të shiturin e aktores Angelina Jolie, duke grumbulluar deri tani 500 milion dollarë, ku mbi 300 milionë vjen nga publiku ndërkombëtar, sidomos me audiencën e gjerë në Kinë, Meksikë dhe Rusi.

Filmi i mëparshëm fitimprurës i Jolie ishte ai i vitit 2005 "Mr. and Mrs Smith" ku aktorja shfaqet në krah të bashkëshortit të tanishëm Brad Pitt.

Aktorja ndodhet tani në Japoni për të promovuar filmin, i cili aty do të shfaqet më 5 korrik.

Llogaritet se tregu japonez do t'u shtojë fitimeve edhe 200 milionë dollarë të tjera.

Bon Jovi premiers "Growin' Up the Hard Way" demo

Bon Jovi pritet të rihedhë të treg albumin e vitit 1988 me titull "New Jersey" për të kremtuar 30-vjetorin e ngjitjes në skenë.

Versioni i ri i albumit do të sjellë disa pjesë të papublikuara më parë. Një prej pjesëve titullohet "Growin' Up the Hard Way".

Versioni origjinal i albumit "New Jersey" ishte i katërti në karrierën e Bon Jovi-it. Ai qendroi në vendin e parë të klasifikimit amerikan për katër javë rresht.

Albumi përmban hite si "Bad Medicine" dhe "I'll Be There for You."

Michael Jackson More Alive than Before

25 qershori shënoi përvjetorin e pestë të ndarjes nga jeta të Michael Jackson.

Por pavarësisht kësaj, karriera e tij duket se është më e gjallë se kurrë.

Në këtë përvjetor këngëtari u shfaq nëpër skenat kombëtare të Billboard-it përmes një holograme duke kënduar këngën e re "Slave to The Rhythm".

Albumi i ri "XSCAPE" ndërkohë ndodhet në vendin e dytë të kalsifikimit Billboard 200. "Love Never Felt So Good" përfshin gjithashtu edhe këngëtarin Justin Timberlake.