Wan Gang është pronari i disa restoranteve moderne, të cilit i shijon ushqimi në restorantet e vogla. Ai thotë se restoranti Fuwa për gatime lokale, që ndodhet në periferi të qytetit Wuhan është i mbipopulluar nga të pasurit e zonës. Kuzhineri i cili është edhe pronar përgatit gjellë me të vërtetë karakteristike dhe të shijshme.

Stina e verës në Wuhan është stina e karkalecave të detit. Zona Wasongyuan ka mbi njëqind restorante për karkaleca deti, të cilat më të njohurat janë ato të gatuara me avull. Pasi zgjidhen karkalecat më të freskëta, gatuhen me avull dhe mund të shijohet shija e tyre orgjinale.

Në vitin 2012, restoranti Balizhengxia zuri vendin e parë në listën e restoranteve ku serviren karkaleca deti në Wuhan.

Në fakt një pjatë me karkalecë deti nuk është e lirë, kushton afro 88 juanë. Megjithatë ka persona që e pëlqejnë shumë këtë pjatë dhe kanë shpenzuar mbi njëmijë juanë. Ndërsa karkalecat e pjekur kushtojnë më lirë. Një shkop me karkaleca të pjekur zakonisht kushton 4 juanë. Poeti i Wuhanit Xiaoyin prezantoi restorantin Maomaokaoxiaqiu. Pronari pjek karkaleca në zjarr dhe vendos salca të ndryshme. Karkalecat ndryshuan ngjyrën nga e kuqe në të verdhë dhe aroma është shumë e shijshme. (Çang Çuo/ Albana)