PËR NE  VEND PUNE
      
cri albanian.cri.cn
Faqja e parë | Lajme | Kina Sot | Fokus ekonomik | Kultura | Kozmopolit | Shëndeti | Fjala në Lajm | Koment për RJK Muzikë | Revista "Ejani"
Gratë duhet të flenë më shumë se burrat
2015-02-23 10:12:07 CRI Komenti juaj Printoni

Burrat dhe gratë janë të ndryshëm përsa i përket gjumit

Gratë duhet të flenë 20 minuta më shumë se burrat, për shkak të trurit të tyre që bën shumë gjëra njëherësh, pra duke kryer shumë veprime në të njejtën kohë. Këtë përfundim e kanë arritur shkencëtarë të Universitetit Duke në Karolinën e Veriut në SHBA. Studimi tregon se femrat kanë nevojë për një kohë më të gjatë gjumi pasi lodhen më shumë gjatë ditës duke qenë të mbingarkuara me disa punë, çka lodh edhe trurin e tyre.

Të mos flesh mjaftueshëm apo të kalosh një natë pa gjumë cilësor ndikon negativisht në gjendjen e humorit të femrave, madje mund të çojë deri në gjendje melankolie dhe depresioni, thuhet në studim.

Sa më shumë përdoret truri gjatë ditës aq më shumë do të ketë nevojë për pushim gjatë natës. Femrat, për shkak të kryerjes së shumë punëve në të njejtën kohë që i përcakton ato si "multitasking", kanë nevojë për një kohë rikuperimi më të madhe, gjë që lidhet me nevojën fizike për të fjetur për një kohë më të gjatë se sa meshkujt. Sipas studjuesve, meshkujt kanë nevojë për një kohë më të gjatë gjumi se normalja vetëm nëse kanë profesione të lodhshme dhe kanë përgjegjësi në punën tyre, që u shton stresin.

Gjumi i natës për femrat, por jo vetëm, është vendimtar pasi i krijon mundësi trurit të rimarrë energjitë e humbura gjatë ditës. Të mos bësh një pushim të përshtatshëm të krijon shumë probleme fizike, madje ndikon edhe në plakjen më të shpejtë.

Të ulësh numrin e orëve kushtuar gjumit është e dëmshme si për fizikun ashtu dhe për psikikën e njeriut. Përveç se humbasin përqëndrimin, njerëzit që flenë pak dhe jo mirë mund të preken nga patologji të ndryshme, ndër të cilat dhe ato të sistemit kardiak.

Gjumi mund të favorizohet pasi të keni ngrënë një darkë të lehtë dhe të tretshme, duke shmangur veprimtaritë fizike para fjetjes.

Të gjithëve u pëlqen një gjumë i mirë, që të zgjohesh në mëngjes plot energji për të kryer lehtësisht punët e ditës.

Si mund të bëjmë një gjumë të përsosur ?

Gjumi i rehatshëm është i domosdoshëm për t'u ndjerë mirë dhe me energji gjatë ditës. Gjumi i natës mund të prishet nga shumë faktorë si problemet shëndetësore, shtrati apo dysheku jo cilësor, ndonjë gjendje ankthi apo stresi.

Pagjumësia apo të fjeturit pak dhe keq nuk janë patologji që lidhen vetëm me moshën e thyer, por takohen shpesh edhe në radhët e të rinjve.

Në disa raste, relaksi i natës mund të sabotohet nga darka të rënda ose nga konsumimi i substancave eksituese për trurin, një ndër të cilat është kafeja.

7 këshillat pro-gjumit

1. Darkoni thjeshtë dhe me ushqime sa më të lehta

Ju këshillojmë që në darkë të hani pak dhe kryesisht ushqime që treten lehtë. Përveçse lehtësojnë gjumin ushqimet e lehta ndihmojnë stomakun të punojë mirë. Një darkë e lehtë shmang kaloritë të cilat shtojnë kilogramët. Duhet shmangur konsumi i kafesë gjatë orëve të darkës, por edhe i çajit dhe alkoolit të fortë.

2. Dhoma e gjumit.

Duhet të flemë në një dhomë të ajrosur mirë dhe të pastër. Sidomos gjatë verës dhoma duhet të ajroset më së miri, duke mos lejuar rritjen e temperaturës brenda saj. Madje edhe gjatë dimrit të ftohët këshillohet që temperatura e dhomës të mos i kalojë 18 gradët Celsius. Në këto kushte dhomat do të jetë më se e përshtatshme për një gjumë të rehatshëm në çdo stinë të vitit.

3. Mjedis i qetë

Për një çlodhje sa më të mirë është e nevojshme të keni një mjedis të qetë. Ky problem paraqitet kryesisht gjatë verës, kur dritaret e dhomës së gjumit mbahen të hapura. Kur është e mundur duhen përdorur ventilatorët për freskimin e ajrit.

4.Oraret e rregullta

Ju këshillojmë të krijoni një rutinë për vajtjen në shtrat por edhe për zgjimin në mëngjes. Koha e njejtë e këtyre dy momenteve të nisjes dhe përfundimit të gjumit kontribuon në rregullimin e gjumit. Nëse do të caktoni një orar për fjetjen në darkë dhe zgjimin në mëngjes do të ndiheni shumë të çlodhur.

5. Qetësia

Para se të shkoni në shtrat duhet të shmangni aktivitetet sportive. Një gjumë i mirë sigurohet nëse jeni të relaksuar dhe kjo mund të arrihet nëse lexoni diçka para gjumit ose pini një gotë qumësht.

6. Çlodhja

Në momentin që ndodheni në shtrat mos përdorni tabletin apo kompjuterin. Për një gjumë sa më të qetë këshillohen teknikat e frymëmarrjes dhe relaksit një ndër të cilat është joga. Por ndihmon edhe një banjë e ngrohtë apo dëgjimi i muzikës relaksuese, me ritme të lehta dhe çlodhëse.

7. Pushimi gjatë ditës

Për një gjumë të përsosur nuk duhet fjetur gjatë ditës. Kjo këshillohet se sa më të lodhur të jeni gjatë ditës aq më mirë do të flini natën.

Një rëndësi të madhe për gjumin e natës ka edhe dysheku. Ka shumë raste kur një dyshek jo i rehatshëm të prishë gjumin. Një dyshek cilësor garanton një gjumë të rehatshëm dhe nuk të shqetëson gjatë lëvizjes ndërsa je në gjumë. E njejta këshillë vlen edhe për jastëkun që duhet të ketë lartësinë por dhe butësinë e duhur. Për personat që vuajnë nga cervikale apo patologji të tjera të shtyllës kurrizore tregohen jastëqe të posaçme.

Kur shohim një foshnje në djep duke fjetur apo një mace që fle mendojmë se sa e lehtë është të flesh. Por sa i vështirë është gjumi i mirë për shumë njerëz, të cilët rrotullohen në shtrat me orë të tëra dhe nuk i zë gjumi.

Por, pa gjumë nuk ka qetësi, nuk ka shëndet.

Nevojat jetike të njeriut sipas rëndësisë së tyre janë:

a.-Frymëmarrja- pasi pa të shkaktohet vdekja në pak minuta

b.-konsumimi i ujit- pasi mungesa e ujit e vdes njeriun në pak ditë

c.-ushqimi- pasi pa ushqim nuk mund të jetosh.

Por kur renditim këto nevoja jetike për njeriun shpesh harrojmë gjumin. Nuk duhet harruar se nga mungesa e gjumit njeriu mund të vdesë brenda një jave.

Mrekulli
Komenti im
Forum

Sondazh me dëgjuesit për dy sesionet e vitit 2015 në Kinë

Voto tani, shijo falas më vonë
Artikuj top
Rubrika top
China Radio International.CRI. All Rights Reserved.
16A Shijingshan Road, Beijing, China