Dogana Yivu filloi punën në vitin 2009 dhe është një nga 12 doganat e varura nga ajo e qytetit Hanzhou. Megjithëse dogana është e vendosur në një qytet në rang distrikti, për arsye të veçantisë së tregut të mallrave të vogla Yivu, hyrjet dhe daljet në këtë doganë janë sa një të treta të sasisë së përgjithshme të mallrave që hynë në doganën e qytetit Hanzhou. Gjatë një viti e gjysmë pasi u hap, dogana Yivu i ka shërbyer ekonomisë vendase dhe ka nxitur lulëzimin e tregut të mallrave të vogla që është më i madhi në botë. Edhe në gjendjen e krizës monetare botërore, vëllimi i tregtisë së eksportit të qytetit Yivu është rritur. Drejtori i doganës Yivu Chan Jun, flet për bilancin pozitiv:
"Në anën e eksportit, sipas të dhënave, në vitin 2009, sasia e kontejnerëve për eksportimin e mallrave të vogla ishte 519 mijë, kurse në vitin 2010 arriti në 576 mijë. Në anën e importit, para hapjes së doganës, çdo vit, ndërmarrjet vendase i paguan doganës tatime prej disa milionë yuansh. Kurse pas hapjes së saj, në vitin 2010, u arkëtuan 183 milionë yuanë."