23 nëntori shënon 66 vjetorin e vendosjes së marrëdhënieve diplomatike mes Kinës dhe Shqipërisë. Me mbështetjen e ambasadës së Kinës në Shqipëri, Radioja Kombëtare e Kinës (CNR) dhe Radio Tirana do të transmetojnë së bashku një emision muzikor, me synim që të ndiqet nga dëgjuesit e të dy vendeve, duke thelluar njohjen dhe miqësinë mes dy popujve.

Për një njohje më konkrete të muzikës kineze dhe nëpërmjet saj të kulturës së popullit kinez, CNR ka zgjedhur 10 vepra përfaqësuese të muzikës së sotme kineze. Ndërsa për emisionin muzikor të Radio Tiranës na flet redaktorja e tij Mimoza Kosturi. Para disa ditësh bashkë me gazetarë të mediave nga 16 vende të Europës Qendrore dhe Lindore ajo mori pjesë në një seminar të organizuar nga "Shanghai Media Group", në Shangai.

Në bashkëbisedim me gazetaren Eda Merepeza, redaktorja Mimoza Kosturi flet për realizimin e emisionit muzikor për nder të 66 vjetorit të marrëdhënieve diplomatike Shqipëri-Kinë dhe përvojën e saj mbresëlënëse në Shangai.