Windows XP mund të quhet sistemi më i popullarizuar operativ në PC. Pas publikimit në vitin 2001, Windows XP ka shoqëruar përdorues të panumërt të PC-ve për 13 vjet. Më 8 prill, ky sistem i suksesshëm e mikpritës përfundoi misionin historik.

Sipas njoftimit të faqes elektronike të shoqërisë Microsoft, që nga 8 prilli, Microsofti ndaloi në mbarë botën përkrahjen teknike ndaj sistemit Windows XP. Megjithëse ky sistem mund të vazhdojë të përdoret, nuk mund të mënjanohen rreziqet e mundshme të sigurisë. Sipas raportit të qendrës së të dhënave të internetit, pa përtëritje, përqindja e infektimit nga virusi e sistemit Windows XP është 8 herë më e lartë se sistemi Windows 8. Rrezik të madh paraqet infektimi nga virusi Krimb, virusi më i rrezikshëm në PC. Njëkohësisht pas ndalimit të përkrahjes teknike ndaj sistemit Windows XP, shumë softe të reja, pjesë mekanike dhe lojëra do të humbin mbështetjen teknike .

Më 25 tetor të vitit 2001, shoqëria Microsoft publikoi sistemin Windows XP. Pas publikimit, ky sistem operativ me shenjën "Qiell blu e tokë e gjelbër" fitoi menjëherë simpatinë e përdoruesve duke pushtuar tregun e sistemit operativ të PC-ve të mbarë botës. Në janar të vitit 2007, përqindja e ndarjes së sistemit Windows XP në treg arriti rekordin historik dhe atë kohë në botë 3/4 e PC-ve përdornin këtë sistem. Madje deri në janar të këtij viti, sistemi Windows XP zinte ende 1/3 e ndarjes së tregut.

Duke komentuar ndalimin nga Microsofti të përkrahjes teknike ndaj sistemit Windows XP, sekretari i përgjithshëm i qendrës së informacioneve të internetit pranë Akademisë së Shkencave të Kinës Jiang Qiping u shpreh se ky është një veprim tregtar që ka për qëllim që konsumatorët ta përtërijnë sistemin operativ në Windows 7 ose në Windows 8.

Ndalimi i përkrahjes teknike do të thotë ndalim i dhënies së shtesave dhe ndalim i përtëritjes për sigurinë dhe Microsofti nuk do të zgjidhë më të metat e reja në sistemin Windows XP. Njëkohësisht softi antivirus i Microsoftit nuk do t'u japë më përdoruesve të sistemit Windows XP shërbimin e përtëritjes.

Në Kinë, Windows XP është ende sistemi më i përdorur operativ në PC. Sipas statistikave në vitin 2012, përqindja e ndarjes së sistemit Windows XP në treg ishte 73.5%. Kurse pas shpalljes nga Microsofti të ndalimit të përkrahjes teknike ndaj këtij sistemi, ka ende 50% ose 200 milionë përdorues të sistemit Windows XP që u shprehën se do t'i përmbahen këtij sistemi dhe nuk planifikojnë ta përtërijnë sistemin. Shqetësimi për mospërshtatjen e softeve me sistemin e ri, niveli i ulët i pjesëve mekanike dhe shpenzimet e larta të përtëritjes së sistemit janë shkaqet kryesore të këmbënguljes në sistemin Windows XP.

Për të përballuar rreziqet e mundshme ndaj sistemit Windows XP, shumë shoqëri kineze të sigurisë së internetit janë shprehur se do të vazhdojnë të japin shtesa të sigurisë të palës së tretë për mbrojtjen e këtij sistemi. Sipas specialistit të qendrës së të dhënave të internetit të Kinës Hu Yanping softet e sigurisë të palës së tretë mund të mbushin disa të meta, por nuk mund të zgjidhin të gjitha problemet. Ai tha:

"Softet e palës së tretë mbrojnë sigurinë e sistemit dhe mund të zgjidhin shumicën e problemeve, për shembull të virusit, të Trojanit etj., por luajnë vetëm rol të kufizuar në mbrojtjen nga sulmi me largësi të madhe."

Krahas përdoruesve të shumtë individualë, në Kinë shumë ndërmarrje e organe qeveritare përdorin sistemin Windows XP. Nëse hasin problemet e sigurisë së sistemit, ata do të pësojnë humbje më të mëdha se përdoruesit individualë. Akademiku i Akademisë së Inxhinierisë të Kinës Ni Guangnan u shpreh se ndalimi i përkrahjes teknike ndaj sistemit Windows XP është një incident i sigurisë së informacioneve që cënon sigurinë e informacioneve të Kinës. Ai shprehu besimin që organet përkatëse kineze të zotërojnë sa më parë teknologjinë kyçe për të mbrojtur sigurinë shtetërore. (Fani)