Kohët e fundit u mbajt në Pekin "Forumi i dytë ndërkombëtar i investimeve dhe ndërtimit të infrastrukturës". Tema kryesore e forumit ishte: "Bashkëpunimi për nxitjen e investimeve dhe zhvillimi i qëndrueshëm i infrastrukturës". Pjesëmarrës ishin mbi 860 përfaqësues të ardhur nga 46 vende të botës.
Gjatë pjesëmarrjes në këtë forum, zv-drejtori i degës së investimeve dhe të bashkëpunimit ekonomik me botën e jashtme pranë Ministrisë kineze të Tregtisë, Ni Jiati, tha se përveç rigjallërimit gradual të ekonomisë botërore, kërkesa dhe oferta e mbarë botës për infrastrukturën rritet vazhdimisht. Kina, tha ai, dëshiron të krijojë me më shumë vende të botës sistemin e bashkëpunimit për ndërtimin e infrastrukturës dhe të forcojë bashkëpunimin midis qeverive për të nxitur e lehtësuar bashkëpunimin për investimet.
"Tani, Kina nënshkroi me mbi 10 vende të botës traktate për forcimin e bashkëpunimit në ndërtimin e infrastrukturës dhe ka krijuar sistemin e punës për të. Njëkohësisht, Kina shpreson se vendet e ndryshme do të trajtojnë bashkëpunimin ndërkombëtar për ndërtimin e infrastrukturës, duke favorizuar kompanitë në fushën e taksave. Ne do të përpiqemi për të qenë të hapur në këtë drejtim dhe të evitojnë politizimin e këtyre çështjeve. Garantojmë se do të mbrojnë sigurinë dhe interesat ligjore të investitorëve."