Viti 2011 është i pari i planit të 12-të pesëvjeçar për Kinën. Nën sfondin e shpejtimit të ndryshimit të mënyrës së zhvillimit ekonomik, koordinimi i politikës për thithjen e investimeve të huaja në Kinë ka tërhequr vëmendjen e kompanive të huaja, sidomos të atyre nga Evropa, SHBA-ja dhe Japonia, si dhe të institucioneve ekonomike perëndimore.
Për ndryshimin e mjedisit të investimeve të kompanive të huaja në Kinë dhe për kapjen e shanseve strategjike të zhvillimit të ardhshëm të vendit, shumë anëtarë të Konferencës Konsultative Politike, diskutuan gjatë sesionit vjetor të këtij viti.
Në fillim të reformës dhe të hapjes, Kina u mbështet tek ulja e kostos së krahut të punës, e shkëmbeu teknologjinë me tregun kinez, duke u dhënë kompanive të huaja kushte "super të favorshme". Anëtari i komitetit kombëtar të Konferencës Konsultative Politike, zv-drejtori i Bankës Shtetërore të Zhvillimit, Liu Këgu, mendon se politika e favorshme aso kohe për thithjen e investimeve të huaja, pati domosdoshmëri historike.
Në hapat e parë, vendeve në zhvillim u mungojnë fondet, për të thithur investimet dhe teknologjinë e përparuar. Pas reformës dhe hapjes, Kina e kaloi këtë fazë.
Tani, Kina ka një rezervë valutore prej mbi 2 trilionë dollarë amerikanë. Në vitin 2010, vëllimi i përdorimit real të investimeve të huaja nga Kina arriti në një trilionë.