Presidenti i Çekisë Milos Zeman shprehu kënaqësinë për vizitën treditore të homologut kinez Xi, që nis sot. Kjo është hera e parë që një president kinez viziton Republikën Çeke, pas vendosjes së marrëdhënieve diplomatike mes dy vendeve, 67 vjet më parë.

Në një deklaratë presidenti çek tha se vizita e kreut kinez të shtetit do të ngrejë në një nivel të ri marrëdhëniet dypalëshe, do të zgjerojë bashkëpunimin në fushën ekonomike, tregtare, kulturore dhe shkëmbimet mes dy popujve.

Milos Zeman tha se miqësia e tij me presidentin Xi ka filluar në shtator të vitit të kaluar, gjatë vizitës së tij të parë në Kinë. (Çang Çuo/ Eda Merepeza)