Presidenti kinez Xi Jinping do të fillojë të hënën një vizitë shtetërore treditore në Republikën Çeke.
Të dy vendet presin që vizita e presidentit Xi Jinping t'i ngrejë në një nivel të ri marrëdhëniet dypalëshe.
Ambasadorja kineze në Republikën Çeke Ma Keqing shpreh besimin se vizita e z. Xi do të hapë një epokë të re në bashkëpunimin midis Kinës dhe Evropës Qendrore dhe Lindore. "Kjo është vizita e parë e presidentit Xi në një shtet të Europës Qendrore dhe Lindore dhe tregon se Kina tani po kushton rëndësi të madhe këtij rajonin dhe mekanizmit të bashkëpunimit '16 + 1', " vuri në dukje ambasadorja Ma Keqing.
Gjatë vizitës së presidentit Xi Jinping në Republikën Çeke, do të shkëmbehen mendime për marrëdhëniet dypalëshe, nismën "Një Brez dhe Një Rrugë", bashkëpunimin midis Kinës dhe vendeve të Evropës Qendrore e Lindore, si dhe çështje të tjera ndërkombëtare dhe rajonale me interes të përbashkët. Gjithashtu, do të nënshkruhen edhe një numër marrëveshjesh bashkëpunimi që mbulojnë fusha të tilla si ekonomia e tregtia, infrastruktura dhe financat. (Artan Goga)