Ministri i Jashtëm i Kinës Wang Yi dha të martën një konferencë shtypi në kuadër të sesionit vjetor të Asamblesë Kombëtare Popullore që po zhvillohet në Pekin.

Duke iu përgjigjur pyetjeve lidhur me sanksionet e reja ndaj Koresë së Veriut, kreu i diplomacisë kineze vuri në dukje se Kina është një vend anëtar i përhershëm i Këshillit të Sigurimit të OKB-së, prandaj ka si detyrimin, ashtu edhe aftësitë për të zbatuar të gjitha rezolutat e KS-së, përfshirë edhe ato për Korenë e Veriut.

Ndërkohë, lidhur me çështjen e Detit të Kinës Jugore, Wang tha se ndërtimi i objekteve mbrojtëse nga Kina është bërë në ishujt që janë nën sovranitetin e saj.

Ministri i Jashtëm kinez Wang Yi tha se samiti i udhëheqësve të G20-s që do të mbahet sivjet në Hangzhou, do të jetë ngjarja më e rëndësishme diplomatike e vitit për Kinën. (Artan Goga)