Takimi i katërt i ministrave të Jashtëm për krizën e Sirisë mund të nxitë ndalimin e dhunës në këtë vend, tha të mërkurën zëdhënësi i sekretarit të përgjithshëm të OKB-së Stefan Dujarric. Sipas tij, palët në konflikt duke u bazuar në ndihmën ndërkombëtare mund të ndikojnë në zgjidhjen e krizës siriane dhe të respektojnë rezolutat e Këshillit të Sigurimit, kryesisht ato që lidhen me shpërndarjen e ndihmave humanitare.
Në takimin e katërt të ministrave të Jashtëm për krizën në Siri që nis të enjten në Gjermani do të jetë i pranishëm dhe ministri i Jashtëm i Kinës, Wang Yi.
I dërguari i posaçëm i sekretarit të përgjithshëm të OKB-së për Sirinë, Staffan de Mistura tha në fillim të shkurtit në Gjenevë se bisedimet e paqes u pezulluan për shkak të divergjencave midis qeverisë siriane dhe opozitës, por ato do të rifillojnë më 25 shkurt. (Çang Çuo/ Eda Merepeza)