Korea e Jugut vendosi ndërprerjen e të gjitha punëve në kompleksin industrial Kaesong si përgjigje ndaj provës bërthamore dhe lëshimit me raketë balistike të satelitit nga Peniani, njoftoi të mërkurën agjencia e lajmeve Yonghap.
Ministria e Bashkimit e Koresë së Jugut u shpreh se Veriu i ka mënjanuar paralajmërimet, duke lëshuar një raketë me rreze të gjatë veprimi pas provës bërthamore. "Kjo është e patolerueshme," thekson deklarata, ndërkohë qeveria jugkoreane vendosi që nga data 10 shkurt, ndërprerjen e të gjitha punëve në kompleksin industrial Kaesong.
Kaesong është një projekt i bashkëpunimit ekonomik midis dy Koreve, i cili filloi në vitin 2000 pas nënshkrimit të "Manifestit të Përbashkët Jug-Veri". Kompleksi që përbën projektin e vetëm të bashkëpunimit ekonomik mes dy vendeve, ndodhet në Kaesong të Koresë së Veriut dhe u fut në përdorim në vitin 2005.
Në këtë kompleks industrial punojnë 53 mijë punëtorë koreanoveriorë të punësuar nga 124 ndërmarrje koreanojugore, kryesisht të vogla e të mesme. (Jiang Lei/Leftion Peristeri)