Autoritetet kineze do të vazhdojnë të promovojnë këmbimin e monedhës vendëse RMB në Zonat e Tregtisë së Lisë, si një përpjekje për hapjen e mëtejshme të ekonomisë në vitin 2016.

Guo Song nga Administrata Shtetëtore e Këmbimeve Valutore, tha se ky hap ndërmerret për hapjen e tregut të kapitaleve, "pa një kufizim të përcaktuar", ndërsa nuk shtjelloi më tej deklaratën.

Komenti i tij pason vendimin Bankës Qendrore të Kinës dhjetorin e kaluar për këmbimin e RMB-së në llogari të kufizuar prej 10 milionë dollarësh amerikanë, në Zonat e Tregtisë së Lirë të Tianjinit, Guangdongut dhe Fujianit.

Këmbimi i monedhës kineze RMB për qëllime tregtare u miratua fillimisht para 20 vjetësh, por pothuajse të gjitha transaksionet bankare në pjesën kontinentale të Kinës janë kryer me miratim shtetëror, ndërsa hapat e ndërmarrë vitet e fundit çojnë në liberalizimin e këtij kontrolli. (Eda Merepeza)