Këshilli i Sigurisë i OKB-së zhvilloi të premten bisedime me dyer të mbyllura mbi krizën siriane. Përfaqësuesi i përhershëm i Rusisë Vitaly Churkin u shpreh pas bisedimeve se pala ruse do të paraqesë një propozimin e ri për të rifilluar bisedimet e paqes javën e ardhshme.
Churkin u shpreh se Rusia ndjen keqardhje për pezullimin e bisedimeve, por shtoi se sulmet ajrore ndaj "IS-it" nuk do të ndalojnë.
Më 11 shkurt, Grupi Mbështetës Ndërkombëtar i Sirisë planifikon të zhvillojë një takim në Mynih të Gjermanisë, ku Rusia do të paraqesë propozimin e ri për rifillimin e bisedimeve të paqes.
I dërguari i posaçëm i OKB-së mbi krizën siriane Staffan de Mistura njoftoi të mërkurën në Gjenevë shtyrjen e bisedimeve për më 25 shkurt pasi si qeveria siriane ashtu dhe grupet opozitare kanë shumë punë përgatitore të pambaruar. (Zhan Dian/Leftion Peristeri)