Nga hetimi mbi shpërthimet në depon e portit verior të Tianjin-it gushtin e kaluar rezultoi se ai ishte një aksident i madh i sigurisë në punë dhe caktoi përgjegjës 120 persona.

Një raport zyrtar është lëshuar tashmë, pas përfundimit të një hetimi të plotë me kërkesë nga Këshilli i Shtetit.

Më 12 gusht, 2 shpërthime masive ndodhën në depon e lëndëve të rrezikshme në Portin e Tianjin-it, duke shkaktuar 173 viktima dhe rreth 800 të plagosur.

Hetimi përcaktoi se shpërthimet u shkaktuan nga plasja e lëndëve të rrezikshme, të ruajtura në mënyrë të paligjshme apo të papërshtatshme.

Depo ishte në pronësi të kompanisë Ruihai, pronari i së cilës është quajtur si përgjegjësi kryesor.

Ndërkohë, ekipi hetimor i Këshillit të Shtetit deklaroi se 123 persona, përfshi 5 zyrtarë të Tianjin-it do të dënohen për këtë incident. (Albana)