Dekreti i nënshkruar nga presidenti Valdimir Putin ndalon fluturimet charter si dhe shitjen e paketave turistike nga agjencitë ruse për në Turqi.
Gjithashtu kompanitë turke të aviacionit mund të ofrojnë shërbime të kufizuara në territorin e Rusisë ndërsa anijet turke ndalohen të lundrojnë apo të ankorohen në portet ruse. Importimi i mallrave do të pezullohet gjithashtu.
Formalisht është pezulluar dhe udhëtimi i lirë pa viza midis Rusisë dhe Turqisë, përveç diplomatëve dhe atyre që mbajnë leje të përkohshme qëndrimi. Punësimi i turqve në Rusi do të ketë kufizime.
Lëvizja e Rusisë vjen pas rrëzimit të një avioni luftarak për të cilin Turqia pretendon se shkeli hapësirën e saj ajrore, një pretendim të cilin Moska e hedh poshtë forcërisht dhe këmbëngul se avioni i saj Su-24 ndodhej në hapësirën ajrore të Sirisë. (Leftion Peristeri)
