Kina dhe Polonia janë zotuar për forcimin e partneritetit strategjik. Deklarata u bë gjatë takimit të presidentit të Kinës Xi Jinping dhe homologut të tij polak, Andrzej Duda. Kreu i shtetit Xi bëri thirrje për forcimin e mëtejshëm të besimit politik midis dy vendeve, ruajtjen e nivelit të lartë të ndërveprimit dhe forcimin e bashkëpunimit në çeshtje ndërkombëtare. Ai propozoi që Kina dhe Polonia të shpejtojnë procesin e bashkërendimit të nismës kineze "Një brez, një rrugë" me stratagjinë e Polonisë për zhvillim.
Nga ana e tij kreu i shtetit Duda theksoi se Polonia do të vazhdojë të forcojë miqësinë tradicionale me Kinën si dhe do të bëjë përpjekje për forcimin e marrëdhënieve midis Europës dhe Kinës.
Pas takimit të dy liderët ishin të pranishëm gjatë nënshkrimit të një sërë marrëveshjesh dypalëshe të bashkëpunimit.
Kjo është vizita e parë në Kinë e presidentit polak Duda, që pas nisjes së mandatit të tij në gusht të këtij viti. (Eda Merepeza)