20151125udhetimi |
Liderët e vendeve të Europës Qendrore dhe Lindore, pjesëmarrës në Samitin e katërt Kinë-EQL, janë ftuar të udhëtojnë me një tren kinez të shpejtësisë së lartë. Ky udhëtim do të shërbejë si një promovim për bashkëpunimin e mëtejshëm mes Kinës dhe EQL-së.
Gjatë udhëtimit, Li tha se qeveria kineze i kushton rëndësi të madhe ndërtimit dhe përmirësimit të infrastrukturës së hekurudhave dhe të autostradës. Gjatë mbi 3 dekadave të fundit pas Hapjes dhe Reformës, Kina ka përparuar shumë në këtë fushë.
Treni me shpejtësi të lartë është aktualisht mjeti më i shpejtë dhe i përshtatshëm për udhëtimin e qytetarëve, duke u bërë "kartë ari" e pajisjeve të prodhuara nga Kina.
Kina ka epërsi në fushën e infrastrukturës së transportit me teknologji të përparuar dhe me çmim të ulët e cilësi të lartë.
Pala kineze është e gatshme ta ndajë këtë teknologji me vendet që kanë nevojë, duke bashkëpunuar me vende të EQL në fushën e infrastrukturës së transportit dhe duke hartuar plane dhe prodhuar mallra të posaçme për këto vende, të cilat do të nxisin procesin e integrimit dhe industrializimit rajonal.
Udhëheqësit e 16 vendeve të rajonit të Europës Qendrore e Lindore thanë se treni kinez me shpejtësi të lartë është tepër komod. Përmes udhëtimit, ata u njohën me arritjet e zhvillimit të Kinës.